:: الماركات والعلامات التجارية المقلدة .. بين القبول والرفض ::

[The Greatest Banota]

هالوو .. :)

يسعدني ان التقي بكم مجددا احبتي .. وفي جعبتي بعض الكلمات التي اود ان اسردها حول موضوع الماركات والعلامات التجارية المقلدة ... واتمنى منكم المشاركة والتحاور حول هذا الموضوع ..

تميزت بعض الدول الآسيوية بتقليد البضائع والمنتجات المشهورة ..

مثل تقليد الحقائب والجلود والاحذية والاحزمة والساعات وغيرها من الاكسسوارات ..

حتى ان ظاهرة التقليد امتدت الى اثاث المنزل والاجهزة الكهربائية والمنتجات الغذائية ..

من سمات المنتجات المقلدة انها تحمل تقريبا نفس الاسم مع تغيير احد الحروف .. واستخدام نفس الشعار ..

الغريب في الأمر ان هناك فئة كبيرة من المجتمع لا تهتم لهذه الظاهرة السيئة ولا تمتنع من شراءها .. وفئة اخرى تسعى جاهده الى القضاء على هذه المنافسة الغير مشروعة .. وبدأت تطبق بعض الدول قوانين واجراءات ضد من يحمل او يشتري شيء مقلد (مثل فرنسا) ..

رأيي الشخصي :
على الرغم من غلاء اسعار الاغراض الاصلية والحرفة في التقليد .. الا اني امتنع دائما عن شراء المنتجات المقلدة والسبب هو انه ظلم وضياع لحقوق اصحاب الاصل .. هذا وتعتبر ظاهرة التقليد منافسة غير مشروعة مرفوضة من حيث القوانين التجارية ..

بانتظار آرائكم ..

i appreciate your comments

اختكم **11**

The Greatest Banota

[برود^أعصاب]

والله على سالفة التقليد انا اشوفها عادي مافي اي شي لانه سعر الاصلي بالعلالي وايد فوق اما التقليد يكون نفس الماركه صج

بو يومين وينقط بس ماتتحسف علييه يا حلات العطو بو دينار ترش منها عقب خمس دقايق راحت ريحتهاا لووول انا مو من

النوع الي اهتم بالهسالفه عادي

[حسين زكريا]

اختي تقولين تقليد يعني شلون الواحد راح يعرف انها تقليد خو كله لبس !! مشكوره على الموضوع

[الصوت^الجريح]

الأصلي سعره فيه ويظل فتره طويله

اما التقليد مثل ماقال برود اعصاب ان بو يومين وينقط

[عرباوي صريح]

فعلا ظاهره التقليد متفشيه عندنا بالكويت و خصوصا في سوق الملابس و العطور و السيديات
وبصراحه اختي ولو اني مو من النوع الي اهتم اني يكون لبسي كله ماركات معروفه ولكن بنفس الوقت ما احب اشتري شي تقليد اولا لانه بوطقه ( بو جم يوم و يخترب) و ثاني شي انا ضد التقليد بشكل عام فالعطر مثلا ما صار داخل القرشه لولا ان في ناس قاعده تبتكر و تتعب و تنتج فلو شريت التقليد الي هو نفس او مقارب الاصلي كاني قاعد اخسر و اضر الماركه الاصليه الي ابتكرت السلعه .

و من خلال موضوعج هذا بوجه سؤال للذين يشترون تقليد :
لو كان عندك شركه تنتج على سبيل المثال ملابس هل ترضى ان تشوف غيرك يقلد بضاعتك و يكسر سوقك ؟

[بـــو عـــيـــســـى]

قواج الله على الموضوع

وفعلا بهالزمن ما قمنا نعرف التقليد من الماركه

[ولد الرميثية]

الصراحة
ماقام الواحد يفرق بين الاصلي والتقليد
والسبب : تايلند

الله يخلي الوسيط الي خلى الواحد اذا بغى شي يلقاه >>> لا وبسعر خيالي

يامعود خل عيال الفقاره يستانسون
((( يعني احنا )))

شنو يعني ما نتكشخ مثلهم !!!!

بس طبعا الغالي سعره فيه

[A.SaNdRo_13]

والله الناس عندنا الحين ما يميزون من الاصلي و اليو طقة يعني يشتري من واحد يايب تقليد يفتر بالشوارع مفتخر ما يدري انه مقصة .!!!!!!!!!!!!!!!!!!!!!!

[The Greatest Banota]

برود^أعصاب
صحيح ان البضائع المقلدة ليس لها جودة تكفل ان تتم اكثر من فترة محدودة وقصيرة .. وهذه اول الاسباب التي تستدعي مقاطعتها ..

David Beckham_7
للأسف لم يتوقف التقليد على الملابس فقط ..

الصوت^الجريح
الاصلي سعره فيه .. كلام سليم .. وجان زين الكل يتفهمه ..

عرباوي صريح
صياغة رائعة .. بالفعل نحن نخاطب الذمة والضمير في هذا الموضوع ..

بن محميد
صارو محترفين بالتقليد ..

ولد الرميثية
في البداية وجهة نظرك احترمها .. بس لي تعقيب ..
مو شرط نشتري من المحلات الغالية .. يعني ماركات رخيصة وفي ماركات غاليه وكل واحد يقدر يشتري من السوق الي يناسبه .. بس التقليد قاعد يضر شركات كبيرة ويسلب حقوق الابتكار والتصميم .. وماعتقد هالشي نرضى فيه ..

احمد العيمي
هذا الغلط ..انهم منتشرين بكل مكان من غير حسيب ولا رقيب ..


.. شكرا جميعا للمشاركة والحوار ..


:)

[اماراتيه]

صحيح أن وايد شغلات نشفها هذي الأيام مقلد

وكل شي بسعره .. يعني الأصلي راح يتم فترة أطول من المقلد :)

اللي سعره راح يكون أرخص وراح يبقى فترة تساوي نص الأصلي .. :okiko:

ولكن ..

أحياناً ممكن نشتري شي غالي ..
لكن ما نستخدمه .. **12**

أو ممكن نشوف بضاعة غالية وأصلية
بس بصراحة ما تسوى السعر اللي أهي فيه .. **12**


فنقول ليش نشتريها وأكو مقلد ..
لو استخدمناه مرة أو مرتين .. ما راح نخسر شي ..!!

على عكس الغالي اللي راح نشتريه
وإذا استخدمناه يكون مرة أو مرتين مو زود و راح نقول أسراف :cool:


وهذي هي وجهة نظري :)
وتسلمين حبوبة على الموضوع

[The Greatest Banota]

اماراتيه

ممم .. هم وجهة نظر .. ثانكيو لمشاركتج حبوبه ..


:)

[عيمية وفية للعرباوية]

في ماركات مقلدة زينة وفي شينة
لكن انا اشتري الشي اللي ارتاحله واللي يدووم معاي
وحتى لو كان مقلد بس يكون الافضل انها تكون الماركة
الاصلية لأن ساعات في اشياء اذا كانت تقليد
بسرعة تنكسر أو تخترب أو يروح لونها بعد فترة
شاكرتلج اختي على طرحج للموضوع
وقواج الله يالغالية

[The Greatest Banota]

عيمية وفية للعرباوية
اختي العزيزة .. ممكن انج ترتاحين لبعض المنتجات المقلدة .. بس انا قصدي هل تأيدين تقليد الاختراعات والابتكارات بسهولة من غير ضمان لحقوق الاصل .. عالعموم اسعدني تواجدج ..

:)

[حسين جواد علي]

طبعاً التقليد انا اشوفه عاادي لأن لو مافي الماركات التقليد جان فلسنا من زماااان

[jaz]

بسم الله الرحمن الرحيم

ربما يتجه البعض لشراء المنتجات المقلده رغبه منهم باشباع رغباتهم باقتناء السلعه الاصليه و لكن ارتفاع السعر يمنعهم فيشترون التقليد بسبب السعر الزهيد


بالنسبه لي ..لا احبذ المنتجات المقلده فبالنهايه انا لا احب التقليد ايا كان
حيث ان المنتجات المقلده غالبا ماتكون سلعه رديئه و المنتجات الاصليه ذات السعر الباهض يعتمد ارتفاع سعرها على جودتها
:)

بالنهايه التقليد ..اجده سرقه

[قمر بالآداب ^^]

شساالفه لا عااادي .. خل يقلدوووون
والله لووووو بنشترري كل شي اصلييييي
جااان رحناا فيهااا .. :D
وخااصة احنااا تونااا طلبه .. على الله وعلى مصروووف الاهل ..:D


ساعااات في اشياااء ماتبين انهااا تقليييد .. عااادي اخذهاا وجنه العيييييد **8** ..
بس في اشيااء لااا صج تفشل ويبن انهااااا تقليييييد (البوك / العطر / الساعات ..) دايماا يبنوون :D


اهوااا صج قهررر بس هم عااادي لانه انا اوقاااات اشترري التقلييييد ومافيهاااا شي .. ودايمااا ارووح المعااارض اللي يسوونهااا وفيهااا اشيااء حلووه وماتبين انها تقليد .. واليوم بروووح معرض بال؟؟ حيااكم .. ;) ;)
و ولا مرره شريت شي واخترررب طوول ماانااا محافظه عليييه ..


اكثرر شي انقهررر منه النظااراااااات قاموو يسووون التقليد نفس الاصليه تشبههاا واايد :( ..!

بس نعرررف نجكهممممم *7** :okiko: **8** :D


اهم شي اتووقع ليلحيين ماعرفتوو اناا مع ولا ضد لانه كل دقيقه كلممه ..
بس انا مع التقلييييييييد


ومشكوووووووووررررره :)

[JUST.A.GIRL]

رأيي الشخصي :
على الرغم من غلاء اسعار الاغراض الاصلية والحرفة في التقليد .. الا اني امتنع دائما عن شراء المنتجات المقلدة والسبب هو انه ظلم وضياع لحقوق اصحاب الاصل .. هذا وتعتبر ظاهرة التقليد منافسة غير مشروعة مرفوضة من حيث القوانين التجارية ..


The Greatest Banota


وانا معااااااج اختي ...كلامج صحيح 100% ..:okiko:

[ينية العيم]

التقليد شي عادي...

لأن راح نستخدم التقليد لفترة محددة

ولي شرينه الماركة الاصلة..


ماراح نستخدمها وايد


في اشياء ما تستاهل
وفي اشياء تستاهل والله


يعني الشي الماركة الي سعرها معقول
وندري انه راح نستخدمها
نشتريها

لكن الماركة الي سعرها عال العال
وما راح نستخدمها وايد
فالاحسن نشتري التقليد


وشكرا عالموضوع..