معلومات عن سمكة ( الشنقْ )

[بو رجب]

الجسم شبه دائري مضغوط بشده تعلو مقدمه الظهر قليلا ثم تنحدر بشده الى مقدمه الراس ثم يبرز رأسه الصغير المقوس قليلا , فمه صغير ولونه بني مائل الى الاخضر الزيتي وعليه بقع سوداء مائله للبني الداكن على شكل مستطيلات متقطعه ..!!

توجد شوكه ضاره في مؤخره الغطاء الخيشومي ذات لسعه مؤلمه , الزعنفه الظهريه تبدا بشوكتين قصيرتين مختلفتين بالطول تليهما 8 شوكات اطول منهما وهذه الاشواك مؤذيه تكاد تكون سامه نوعا ما , تلي الزعنفه الظهريه الشوكيه زعنفة ظهريه اخرى طريه مائله باتجاه الذيل على شكل جناح طائر تقابلها زعنفه اخرى اسفل الذيل بالشكل نفسه تقريبا ..!!
http://www.w6w.net/users2/04-12-2005/w6w_2005120413452451888f0189453.JPG

وهذي صورة الشنق الي على اليمين :) وهذول انا صايدهم لسبوع الي طاف بالطاروف مو شي الصيد بس صورتهم علشان احط صوره الشنق

واقولكم ترقبو الصيد يوم الاربعه بروح احدق وان شاء الله يكون خوش صيد بس هالمره حداق مو شروخ ولا طواريف :) وقواكم الله

[جاسم]

الصراحه اول مره اسمع فيها

ومعلومات حلوه منك

بس حبيت أسال هالسمجه تنوكل ؟! واذا الجواب ايه , شلون طعمها مقبول ؟!!

والله يعطيك العافيه وناطرين صيدك يا بورجب :)

[بو رجب]

الله يعافيك اخوي جاسم :) ولا ما اكو احد ياكلها حتى لهنود ما ياكلونها :)

وحياك الله

[دمي اخضر]

مشكور اخوي بو رجب على المعلومات

[بو رجب]

العفو اخوي دمي اخضر وقواك الله على مرورك

[jaz]

شكلها يخرع !!

يعطيك العافيه على المعلومات المفيده

[aLwAyS^3aRBaWiYa]

يعطييك العافيه بو رجب

بس مدام ما تنوكل حرام جان رديتها بالماي !!

[بو رجب]

jaz :
الله يعافيك وبالعكس شوي حلوه وقواج الله ..!!


aLwAyS^3aRBaWiYa :
لوووووووول هذا يزاي اني براويكم صورتها :) بدال مشكور تقولين ردها بالماي لووول

مشكوره على المرور الكريم

[جان كلود فان دام]

معلومات يديده ,, وسمجه يديده

شكرا بورجب على المعلومات

كثر من هالمواضيع ,, ومنكم نستفيد

[بو رجب]

تسلم فان دام على مرورك المميز ودايما ممتع بردودك وقواك الله ..!!

[الاشكناني]

انا واخوي صايدييين منها وايد بالطواريييييف يعطييك العافية اخوي على الصووووور

[بو رجب]

الاشكناني:
مشكور اخوي على مرورك الحلو :) وقواك الله ..!!

[HaMaDiNo$MiMo]

اخوووووووووووي بورجب انا يدي كان مطلع عليها اسم من عنده

يسميها خطااااااااااااااااف عمان

شرايك


بس عندك وايد معلومات خطأ
صحح معلوماتك

[بو رجب]

HaMaDiNo$MiMo:
شنو الخطأ :) طلعلي شي غلط وانا ما احدق طول عمري ..!!


وقواك الله

[خسارة]

انا ماادري من ويين تييبوون هالاسمااء ؟؟؟؟؟؟

مشكووور خيوو عالمعلووماات اللي اول مره اسمع عنها .. :D

وعسااك عالقوووه .. :okiko:

تقبل تحيااتي

خســـــاره

[بو رجب]

خسارة :

هالاسامي نيبها من فيلجا :) واسعدني مرورج خساره وقواج الله ..!!

[عرباوي وافتخر]

شكرا اخوي بورجب على المعلومات الطيبه :)

[بو رجب]

عرباوي وافتخر :

العفو اخوي وحياك الله ..!!

[The Maistro_4]

يعطيك العافية بو رجب عالموضوع الحلو و المعلومات الحلوه و الصور الحلوه و المشاركه الحلوه ..

و بالتوفيق :) ..

[بو رجب]

The Maistro_4 :
العفو حبيبي على مرورك الاحلى ..!!