المساعد الشخصي الرقمي

مشاهدة النسخة كاملة : طين خاوه



jaz
28-09-05, 01:53 AM
السلام عليكم و رحمة الله و بركاته

طين خاوه

هو طين لونه أخضر فاتح كان يجلب من الدول المجاوره للكويت و يباع عند الحواج او العطار و عند البقالين و كانت النساء يقبلن على استعماله اكثر من الرجال اعتقادا منهن ان غسل الشعر به يطيله و يزيده نضاره و لمعانا
و بعض الحوامل كن يأكلنه في اثناء وحمهن و يقلن انه يبرد الكبد و المعده
لذا فقد كان ينصح من يعاني من الحارج اي حموضة المعده الزائده بتناوله
و كان يستعمل مذابا في الماء دهنا ملطفا شافيا لالتهابات الجلد التي قد تصيب الاطفال الرضع

طبعا هالحجي بالكويت قديما

كنتم مع
ماما عوده jazOo
مراسلتكم من عالم الخيال
شكرا لكم

الموج^الأخضر
28-09-05, 01:56 AM
معلومه يديده وحلوه

يعطيج العافيه اختي جاز :okiko:

jaz
28-09-05, 01:59 AM
شكرا لك اخوي و ييعطيك الف عافيه على المشاركه
واان سعيده الي عطيتك معلومه يديده
يسلمو على المشاركه الحلوه

متحطم بالعربي
28-09-05, 02:03 AM
كان ينصح من يعاني من الحارج اي حموضة المعده الزائده بتناوله

عاد انا هاليومين حايشتني التهابات وحموضه زائده ... يعني موجود الحين ولا بس بالسابق .... ؟

شكرا ماما عووده و مراسلتنا من عالم الخيال جازوو على الموضوع :)

تحياتي

jaz
28-09-05, 02:30 AM
لا اكيد موجود تلاقيه بسوق المباركيه صوب سوق التمر قبل الجبره اكو وايد عطارين او وايد حوايين
هناك لي رحت قوله طين خاوه وهو يعطيك

و همن في حواي او عطار بجمعية الشاميه بالشاميه مول اكيد عنده طين خاوه

و ربي يشافيك مراقبنا وو شكرا لك و يعطيك الف عافيه

ღPiNKYaღ
28-09-05, 02:35 AM
السلام عليكم ورحمة الله وبركاته

فى البدايه اشكرج اختي جاز على الموضوع وعلى المعلومات ,,,

انا صراحه امي قبل كانت تستخدمه طين خاوه والي عرفته من امي انه هالطين يخلي الشعر ناعم مثل الحرير واكثر بعد.. اهي تحطه بعد ماتغسل شعرها بالشامبو .. وبعدين تغسله بس مادري اذا كان يكثف الشعر او يطوله!!!! بس نصيحه ماتحطونه الا بالصيف لانه يكون بارد على الراس وبالشتا مو زين عشان مايحوشكم هوا براسكم..

والي اعرفه بعد حق البشره زين يوضع مثل ماسك للويه والجسم بعد طحنه ونقعه بقليل من الماء اعتقد موجود بالحواي حاليا..

تسلمين حبيبتي على موضوعج المفيد..
تحياتي..

متحطم بالعربي
28-09-05, 02:35 AM
لا اكيد موجود تلاقيه بسوق المباركيه صوب سوق التمر قبل الجبره اكو وايد عطارين او وايد حوايين
هناك لي رحت قوله طين خاوه وهو يعطيك

و همن في حواي او عطار بجمعية الشاميه بالشاميه مول اكيد عنده طين خاوه

و ربي يشافيك مراقبنا وو شكرا لك و يعطيك الف عافيه

يعطيج العافيه اختي ... واذا مانفع الدواء نروح الشاميه موول قريبه علينا ونشوف الدواء الشعبي ...

تحياتي

jaz
28-09-05, 02:39 AM
maram
هلا والله حبيبتي مرمر و شكرا على اضافتج المميزه وربي يخليلج الوالده و انا بقول حق امي نشتري ونجرب و نشوف النتايج وو يعطيج الف عافيه على المشاركه الي دوم حلوه ..يسلمو



متحطم بالعربي
لاتحاتي ان شاء الله بتلقاه وبتاخذه وطيب ..و سلامات وماتشوف شر

اماراتيه
28-09-05, 08:57 AM
مشكووووووورة جازو على المعلومة الحلوة

والله عاد أنا أسمع طين خاوه ..

بس شنو ...؟؟

ما أدري !!


والحين عرفته

تسلمين .. وزيدينا من هذي المعلومات الحلوة :) :)

داليا
28-09-05, 10:33 AM
هاااااااااااااااي

حتى انا اختي اماراتيه

ميرسي علا الموضوع

q6wa^3aRBaWeYa
28-09-05, 01:56 PM
انا سامعه باسمه الغريب بس ما كنت عارفه شنو اهو

شكرا اختي على التوضيح يعطيج الف عافيه

أحمد55
28-09-05, 02:21 PM
مشكورة اختي على المعلومة الحلوة بخصوص الطين خاوه

ولو انه اسمه غريب بعض الشيء *7**

بـــو عـــيـــســـى
28-09-05, 02:26 PM
لووووووووووووووووووووووووووووووووووووووووول طين خاوه


عجبني الموضوع - تحياتي

][دمـعـة حـزيـنـة][
28-09-05, 03:37 PM
كان يستعمل مذابا في الماء دهنا ملطفا شافيا لالتهابات الجلد التي قد تصيب الاطفال الرضع


فعلا .. لأن طبيعته وايد بارده .. حيل يبرد عالجسم << عن تجربه ترا :)


يعطيج الف عافية عزيزتي عالموضوع :rose:

jaz
28-09-05, 09:18 PM
اماراتيه
شكرا لج وانا سعيده اني وضحتلج الطين خاوه والحين صرتي تعرفينه
يسلمو على المشاركه




داليا
حياج شكرا لج

q6wa^3aRBaWeYa
شكرا لج والله يعافيج اختي قطوه و انا سعيده ان عرفتج بشي غريب كان عليج :)


أحمد55
هلا و الله ...شكرا على المشاركه و يسلمووو و انا شخصيا معجبه بالاسم



بن محميد
:) ...شكرا على المشاركه و انا سعيده ان موضوعي اعجبك :)


][دمـعـة حـزيـنـة][
هلا والله دكتوووره و طبعا مابعد كلامج كلام يقول المثل اسال مجرب و لا تسال طبيب و انتي مجرب و بعد طبيب :)
شكرا لج وتسمين على المشاركه الحلوه
:)

MR. 3ARBAWE
28-09-05, 10:22 PM
يسلمووو خيتوو

دائى
28-09-05, 11:35 PM
جاز تصدكين ان امى اليوم كانت حاطة طين خاوة وعمرج انشاء اللة طويل بذكرج للموضوع

نرجس
28-09-05, 11:50 PM
قوة حبوبة جاز بس بغيت اسئل شنهو الطين خاوه
هل هو نفسه السدر اللي لونه اخضر

jaz
29-09-05, 07:15 AM
Mr. 3arbawe
يسلمك خيووو



دائى
الله يخليلك الوالده وطولك بعمرها ان شاء الله و يسلمو على المشاركه الحلوه و طولنا بعمرك ياااارب


نرجس
هلا و الله اختي الغاليه ..انا بعد مادري اذا اهو مثل السدر بس ان شاء الله لي زياره قريبه للحواج و من خلالها راح اعرف و ان شاء الله افيدكم
و اعذريني لان ماكان عندي الجواب :)

jaz
29-09-05, 07:23 AM
مهم

اما الباحث كريم جهاد من مكتبة (امير المؤمنين) في النجف فتحدث لنا عن نوع من انواع الصخور التي تتواجد في منخفض النجف اتخذها بعض الناس وسيلة للرزق وهو ما يسمى عند الناس بـ(طين خاوة) وكانت النساء القادمات من مدن العراق المختلفة يستعملنه للرأس قبل (الحمام) يضعنه على رؤوسهن وليس هذا فقط فانه يزيل القشرة والدهون من فروة الرأس.
واضاف قائلاً انه احسن من الشامبو الحالي لانه صحي وليس فيه من محذورات طبية.

Devils_Awaken
29-09-05, 12:32 PM
هممممممممممممممممممم...

موضوع مفيد بس العنوان يظحكني:d :d :d

شكرا على ال موضوع:)

jaz
29-09-05, 12:41 PM
شكرا لك برنس على المشاركه
وو الحمدالله ان مفيد
بس ليش الاسم يضحك ؟

jaz
20-11-05, 11:10 PM
السلام عليكم ..أصدقائي


طبعا انا وعدتكم
و اليوم كنت في زياره ميدانيه للحواي او العطار كما يسميه البعض
طين الخاوه
اخضر فاتح او زيتي فاتح
ريحته مو وااايد حلوه يعني شوي غريبه
وهو صفائح هشه يعني مجرد سحقها باليد تتحول الى بودر
اي اختي نرجس اهو مثل السدر المطحون او الحنه
:)


شكرا لكم وو سامحوني لاني طولت
بس ماكان في وقت اروح الحواي الا اليوم
:)

iMissYourEyes
20-11-05, 11:36 PM
جاز ..

الحلو بالموضوع انه نتطرق الى الماضي ولو
بالطين خاوه عالاقل الجيل الحالي ماينسى بعض المصطلحات
القديمه وواتظل بالذاكره ..

تسلمين روعة الموضوع ..

لكِ تقديري ..

jaz
20-11-05, 11:43 PM
iMissYourEyes
شكرا لك اخوي
و الماضي اساس للحاضر و المستقبل
:)

aLwAyS^3aRBaWiYa
21-11-05, 01:50 AM
شكرا لج أستاذتي جاز

انا كنت سامعه باسمه بس مو عارفه شنو اهوه

والحين عرفت :):)

واذا صج يفيد الشعر عيل بجربه لانه احس شعري ذبلان هالايام :)


يعطيج العافيه

jaz
21-11-05, 02:53 PM
هلا والله دكتورتي
ووو
جربيه لان انا سامعه من وايد ناس ان زين ومفيد
ووو اهم شي شعرج لاتهملينه
:)


شكرا لج دكتورتي و يعطيج العافيه على المشاركه