المساعد الشخصي الرقمي

مشاهدة النسخة كاملة : |[ إخـتبار الـ تراي في الكويت .!! ]|...



Bo_JaSSeM
23-03-10, 04:33 PM
السلام عليكم ورحمة الله وبركاته








طـبعاً الكل عارف إختبار التراي وما أدراك ما إختبار التراي .!! **8**

سـواء دارس مو دارس .. غاش مو غاش .. مبرشم مو مبرشم لازم تيي بـواسطه .!! **8**

أدري أن الكل مطيور عـالليسن والكل يفكر فيه خـاصتاً الشباب

وأدري إن الكل مستعيل يبي يشتري **11** " هـمـر " **11** .. :p **8**

الـمهم نرجع لـ موضوعنا ...

موضوعنا اليوم أهو الواسطه بـ إختبار الـ تراي ...

وللأسف الحين حتى الوافدين عندهم واسطات بالإختبار .!! وأنا شخصياً أعرف أكثر من مدرس يسألون الطلبه إذا عندهم واسطات .!!

وآخرها قبل سنه عندنا مدرس قال لـ طالب يطلع له ليسن وضبطه آخر تضبيط بـالدرجات .!! **8**

هم الـمهم نرجع لموضوعنا .. **8**

- -

هـل أنت مع اللي حاصل حالياً بـالإختبار .؟! سواء كان عملي أو نظري ...

هل تعتقد إن هناك تسيّب وإهمال من قبل المسؤولين على هذا الإختبار .؟!

وهل أنت مع التشديد على المُختبرين وتطبيق الـقوانين بـ حذافيرها .؟!

- -

**8**

Mo0od
23-03-10, 04:37 PM
ديرتنا ديرة واسطه ..

وقفت على التراي الحين !!!

Bo_JaSSeM
23-03-10, 04:39 PM
^ ^ ^
مو منا ,, من الزحمه اللي نشوفها صبح و ليل .!!

كل من هب و دب قام يـسوق .. **8**

al.3rbaweyah.7
23-03-10, 04:41 PM
هـل أنت مع اللي حاصل حالياً بـالإختبار .؟! سواء كان عملي أو نظري ...

لااا ضد بالاثنين لان صاير وايد مصخرة عندك واسطه تمشي ماعندك ماتمشي :@**12**

هل تعتقد إن هناك تسيّب وإهمال من قبل المسؤولين على هذا الإختبار .؟!

اي في تسيب و اهمال لان لو فيه رقابة جان احنا بخير والله

وهل أنت مع التشديد على المُختبرين وتطبيق الـقوانين بـ حذافيرها .؟!

اي اي اي اي اي اي لان صايرة الديرة فوضه كلها واسطات والله انا السنه اليايه راح اخذ الليسن والله كريم


يعطيك الف عافية وقواك الله يباا
يسلموووووووووووووووووووووووووز







al.3rbaweyah.7

Bo_JaSSeM
23-03-10, 04:46 PM
إنشالله تاخذينه وتكون عندج واسطه بعد .. **8**
-
الله يعافيج أختي .. **8**

عرباوي معتدل
23-03-10, 04:52 PM
الحقيقه موضوع مميز وان اقول الواسطه صارت للاسف ظاهرة منتشره مايقدر احد يوقفها
وان الواسطه باختبار السياقه لها مخاطر على المجتمع
وشوف الحوادث والاخطاء الي بالشارع طبعا هذا السبب عدم اتقان السايق شروط السياقه وجهله بكثير من القوانين
تسلم ابو جاسم مواضيعك روعه**8**

Bo_JaSSeM
23-03-10, 05:25 PM
تسلم جـواد .. **8**

GreeN CaRd
24-03-10, 12:32 AM
ان كانت ( الواسطه ) على (الليسن) فقط ,, هانت ..!
لكن المشكلة الكبرى ان (الواسطه) تلقاها امامك في جميع النواحي و تقريباً بشكل يومي في مجتمعنا..!

سلمت يداك .. :)

mr.qadsawy
24-03-10, 12:36 AM
الامور بالديره كلها بالواسطه .. ييت على التـراي ..

خلها على الله اخـوي .. :)

وآرث ورثنآآآهـ
24-03-10, 12:38 AM
ماشالله موضوعك يه بوقته:p

يوم الاثنين ترايي لووول

واطلع الليسن وافتتتتك :p

=)

h.a.s.o.o.n
24-03-10, 12:39 AM
وعليكم السلاااام



الليسن المفروض في تشديد المفروض في قوانين له مو صار هيصه زمبليطه كل واحد خذاه :D

شوف شكثر الحوادث واكثرهم بسبب هالوافدييين والحريم :p

والليسن قبل لمن الواحد بيروح يقدم يخاف ويقعد يحفظ بالاشارات مادري شسمهم

الحين لول واهو قاعد ابيتهم بالوااااسطه !! يوصل له الليسن لي بيتهم

الله يرحم ايام قبل تحس في معاناه على ماتطلع بس الحين لول الله يستر :p

شكرا على الطرح القيييم

قواك الله

al.3rbaweyah.7
24-03-10, 12:49 AM
وعليكم السلاااام



الليسن المفروض في تشديد المفروض في قوانين له مو صار هيصه زمبليطه كل واحد خذاه :d

شوف شكثر الحوادث واكثرهم بسبب هالوافدييين والحريم :p

والليسن قبل لمن الواحد بيروح يقدم يخاف ويقعد يحفظ بالاشارات مادري شسمهم

الحين لول واهو قاعد ابيتهم بالوااااسطه !! يوصل له الليسن لي بيتهم

الله يرحم ايام قبل تحس في معاناه على ماتطلع بس الحين لول الله يستر :p

شكرا على الطرح القيييم

قواك الله



لاوالله اكثر الحوادث بسبب الشباب الاستهتار و يتكلمون بالتلفون الحريم صج على حارة اليسار و يمشون على راحتهم و يبطون جبدك ودك تنزل تطقهم بس ماسوت حادث (الله يحفظ الجميع) بس جد هالايام الناس مايعرفون يسوقون والله ليسن على الماشي واسطه

بو علوه
24-03-10, 01:42 AM
فعلا هذا اكبر غلط ... والصراحه لو مو الواسطه بالتراي جان اغلبنا ليلحين ما اخذ الليسن :)

Bo_JaSSeM
24-03-10, 02:29 PM
أي بس اللي يسقط عاد بهالإمتحان يعني أسمحلي بس مايعرف شي .. **8**

Green^flag
24-03-10, 03:09 PM
Looool 3ala 6ari el lesan oo elwas6a awal shi eldera kilha mashya bilwas6a oo 7ab el5shoom oo Ana atthakar el lesan 6l3tah oo ana nayem bil bait la trai wala b6ee5

m.al-sharhan
24-03-10, 04:14 PM
اهي يت على التراي يا بو جاسم !!
لو يايه ع التراي تهون .. الديره كلها تشتغل بالواسطة .. الا من رحم ربي :)

Bo_JaSSeM
24-03-10, 04:51 PM
صـدقت بـن عمي .. **8**

al_3arbawya
25-03-10, 01:25 AM
والله أنا وحده من الناس استخدمت الواسطه بهالسالفه قبل لا ادش التراي وقعولي أن ناجحه ودشيت عبط بس بالنظري يبت 90 بدون وااسطه :p

والله الكويت كلهاا صارت واسطات التراي يهون في اشياء واايد تخرع اكثر :/

MoBaRk
25-03-10, 05:11 AM
تراي وما ادراك ما التراي ترى العجب فيه **8**

اول مره يوم رحت التراي بدون واسطه سويت كل شئ ولا غلطه بالاخير انته ساقط ليش يبا !! لانك ما قاعد تعطي اشارات يمين يسار مع العلم اني كنت اعطي اشارات بس الظاهر كان سهران الاخ وبنفس الوقت كانت فيه وحده حاطه مكياج كامل الصبح **1** كسرت الدنيا ما خلت شئ ما دعمت فيه بالاخير ناجحه :@ والله يسوي شغل المكياج :p , والتراي الثاني قلنا مافي فايده لازم نييب واسطه دشيت التراي اشوي ولا صاعد الرصيف :( بس نجحت :p

يعني لو كنت شوماخر هم لازم واسطه *7** , خلها على الله بس , فيتامين واو مبدع اخر جم سنه ;)

عضو ذهبي
25-03-10, 07:39 AM
انا عن نفسي ..

رحت وحلوا عني النظري .. وركبت السيارة بس ما سقتها بس شافني قاعد جان يقولي انزل ناجح

:p

طبعا كله من الواسطة .. للأسف النظام حاليا اهو يقول جذي عندك واسطة تمشي ما عندك ما تمشي ..

وشكرا ,,

Bo_JaSSeM
25-03-10, 04:39 PM
لوووول .. الله يستر عليهم بس ,, إذا بنت يـمشونها .!! فـسـاد .. **8**

عرباوي معتدل
25-03-10, 04:40 PM
دير بالك عليه بالتراي ترا على الله وعليك لووووول حدي خواف من السياره كااااك

Bo_JaSSeM
25-03-10, 04:44 PM
أديـر بالي عـليك ؟! أي تامر أمر ,, جم جواد عندي .. **8**

الـعــربــاوية
28-03-10, 02:30 AM
انا انشالله اخذ توعيه مروريه وافتك من النظري
والعملي شي طبيعي واسطه :p
الديره ماشيه جذي يبا
بس مو اييبون لك هنود وواسطات ! هني المشكله وكل من هب ودب عنده ليسن
بس احنا محتاجين الليسن مو عبط :p

Bo_JaSSeM
28-03-10, 07:57 PM
حتى العملي ما يحتاج واسطه صراحه .. يعني وايد ناس يختبرون عملي وصراحه أنصدم من شرحهم للإختبار .!! ماكو أسهل منه .. **8**

احلا عيميه
28-03-10, 08:41 PM
يعني سواء واسطة بالاختبار ولا لأ
الاختبار العملي ما يحدد ان الشخص يعرف يسوق ولا لأ
يعني أصير بارعة إذا صفطت سيدة ؟
والله يتراولي الشخص يتعلم السياقة عدل لما يقطونه بالشارع اهناك يتعلم

بنت عمي ( مو صدى الصمت )
خذت الليسن بواسطة بس قدمت نظري .. وبعدين واهيا بمكانها وقعولها ناجحة وطلعت الليسن

ووحدة من الاهل
من غير واسطة ولا شي راحت بتقدم العملي جان يقرى إسمها الشرطي ( زهراء )
جان يقولها سلام الله على الزهراء ناجحة يبا .. ونزلت !


..

وأنا مع الواسطة لأني بطلع الليسن مالي خلق اقدم تراي ;p

Ghalia
28-03-10, 10:58 PM
اي والله ديرتنا ديرة واسطة ،
الحين بالتراي يسوون حركة عشان يسقطون الناس ، و ثاني مرة لمه يصير التراي ينجحونهم
و اغلب اللي ينجحون من اول مرة من الواسطة طبعاً .. :D

بس عادي واسطة ولا لا راح ينجحون يقدرون يصبرون يعني بس الشباب لا اكيد :p

~~

يسلموو خوش مواضيع عليك :D

محمد مال الله
29-03-10, 12:06 AM
كــله واسطااات

ملقوووفة
29-03-10, 04:47 AM
يـلا مـا بـقـى الا جـم شـهـر واسـوق .......**8**

والله يـعـافـي الـواسـطـات .......:okiko:

D.V!LLA
29-03-10, 05:41 AM
عندك واسطة ,, تنجح لو مامتحنت ..


لا وتاخذه قبل لاتكمل 18 بعد..,,

Bo_JaSSeM
02-04-10, 11:51 AM
ههههه طلع منتدانا كله بالواسطات .. **8**

سيد صالح
02-04-10, 12:57 PM
^^^

يقولك الهمر انقرض **8**


وهاردلك مالك نصيب بالهمر **8**


شكلك راح تضرب عن الليسن لمن تاخذ الهمر **8**

Bo_JaSSeM
02-04-10, 01:02 PM
ههههههههه لا ليش إنقرض .. هـيهات .. **8**

عرباوي_للابد
07-04-10, 01:12 PM
لالالالالالالالالالالا تعليييييييييييق:arfq:

Bo_JaSSeM
07-04-10, 03:20 PM
ليش بن عمي عسى ماشر .. :)

KuWaiTyAaA coL
07-04-10, 03:36 PM
التراي وما ادراك ما التراي :D

يعني انا يوم قدمت التراي تدربت اسبوعين
وكانوا اسبوعين ابداع

عااد الامتحان النظري حده حده سهــل

وفي اخت فوق قايله ان اذا خذت توعيه مروريه ما اتقدم التراي :D طبعا ً الكل عباله جذي بس اللي اعرفه ان اتقدمين الأمتحان النظري :p

عيل خلـ اقولكم قصتي يوم التراي :p
لوووول

طبعا ً اول ما دشيت التراي داشه عكس السير :p هههههه عاد بعدين يعني عدلت السياره ورحت المكان اللي حق كل محافظه طبعا وانا رايحه واقفه

واقفه عن مكانين يعني عن محافظتيين لووول يالي الشرطي يقولي انتي وين جان اقوله انا صوب هالرقم جان يقول مو واضح عدلي سفطتج وقام يقولي روحي ورا ولفي السكان وانا معااه على الخط :D

عااد يعني ما كان في وايد كويتيين ياايين يقدمون تراي :p ( فأتوقع علشان جذي يساعدونا ) لان اشوف الشرطي يزف الهندي والمصري والسوري ويصرخ عليهم ;) اهني خفت قلت ليكون راح ايينيي الدوور

عااد انا كنت سافطه اول وحده

بس اشوا الشرطي اللي يميشنااا خله صبي يمشي جدامي علشان امشي وراه وما اضيع ههههههه;)

عاااد يووم قااام اسووق وجذي في اللفه الضيجه خفت ادعمها بس ما دعمتها اللفه اللي واقف صوبها الشرطي جان اصعد الرصيف :D

عااد عطيته الاستمااره :D قرى الاسم والعايله جان يقولي امشي امشي
والسفطه طبعا ً رحت صوبها وما سفطت عدل بس طوفلي

واخر شي رحت استلمت الليسن :D
وللــه الحمد :D

براايي الشخصي ..

ان اللحين اللي ما عنده واسطه ما يمشي شغله ..!
لا ويعني اللحين حتى الغير كويتيين عندهم واسطه ..!
:D
لا وياخذ ليسنه واهوا قاعد :p
يعني مو شرط اذا كويتي او مو كويتي

ويعني جذي راح تكثر الحوادث بالكويت
لان العموم ماخذ الليسن بواسطه

شكرا ً على الموضوع
لوول وسوري على الاطاله :p:D

Bo_JaSSeM
07-04-10, 04:28 PM
هههههه .. **8**
-
حسب اللي فهمته من كلامج إنج مع الواسطه بالتراي .. و بنفس الوقت تقولين إن الواسطه تسبب حوادث .!! **8**

>GREEN LAND<
07-04-10, 04:32 PM
انشالله يطبقون اختبار الليسن بحذافيرها على قولتك هههـ
..
السبب:عشان تقلل من الحوادث لازم يصعبون الليسن بعد ...ولي ما يعرف يسوق لا يسووووق

Bo_JaSSeM
07-04-10, 04:38 PM
عـدل كـلامك بـن عـمي .. **8**

A.SaNdRo_13
07-04-10, 04:57 PM
انا اخذت الليسن بنفس اليوم من غير واسطة

بس اتمنى انهم يطلعون قرار ليسن خاص حق سواق الهمر لانه سياقتهم لا تعليق

Bo_JaSSeM
07-04-10, 05:14 PM
لوووووووووول .. ليش الله يهداك ,, من كوكب ثاني .؟! **8**

KuWaiTyAaA coL
07-04-10, 07:54 PM
هههههه .. **8**
-
حسب اللي فهمته من كلامج إنج مع الواسطه بالتراي .. و بنفس الوقت تقولين إن الواسطه تسبب حوادث .!! **8**


لوول ..

يا بو جااسم ..

اللحين كل شي فيه واسطه ..!

يعني ما عندك واسطه ماراح تمشي امورك وخاصة بالتراي ..

حتى لو انت ( شماخر ) واتعرف اتسووق عدل ما تمشي ..!

يعني ودنا ان ما يكون في واسطه بالتراي

لان الاغلبيه ما اتعرف اتسوق وعندها ليسن وانشوفهم بالشوارع ..!

وبجذي راح اتزيد الحوادث **1**

Bo_JaSSeM
07-04-10, 08:04 PM
عدل .. بس أنا اللي علي إني أقدم الإختبار .. وطالما إني قدمته عدل شـلي يمنع أنهم ما يمشوني .؟! وما يمشوني بشنو .؟؟ ما يطلعون لي الليسن مثلاً .!! **8**

KuWaiTyAaA coL
07-04-10, 10:10 PM
عدل .. بس أنا اللي علي إني أقدم الإختبار .. وطالما إني قدمته عدل شـلي يمنع أنهم ما يمشوني .؟! وما يمشوني بشنو .؟؟ ما يطلعون لي الليسن مثلاً .!! **8**



والله يا بو جسووم ..!!

:d اهم شي انك خذيت الليسن

(( ههههههههههههه ))

لا خو اكيد راح يعطونك الليسن .. بس يعني مع الواسطه راح تمشي من غير لا اتقدم التراي ..

يبا بالعربي
اذا قدمته التراي عدل .. راح تنجح ;)
واذا ما قدمته عدل .. وعندك واسطه هم راح تنجح ;)

<عبدالله جراغ>
08-04-10, 02:30 AM
حي الله بوجسوم

واالله وايد سوالف صارت فيني

انا تعلمت 3 تيام على الاتراي <<< ادري انهم وايد

النظري سهل كان بس وقت السفطه مو صج بدعت فيها خل اقولكم قالي يلا ابيك تسفط هل مسفط وانا اطالعه قاعد اقول بقلبي شلون يبيني اسفط منيه مسفط كان وايد اصغير المهم وراح وانا قاعد احاول اني اسفط جان اقول بدام راح داخل مو قاعد يطالعني صوب الدريشه وماكوو احد جان اصعدلك الرصيف يعني باخذ راحتي بالسفطه واهم سفطتي طلعت عويه .... والمهم جان يطل بدريشه جان يقولي جراغ جان اقوله نعم جان يقولي عرباوي جان اقوله اي جان يسالتي شيصيرلك الاعب جان اقوله .... ومن هل كلام جان يقولي خلاص يلا روح واقوله وين يقولي خلاص ناجح .... واخر شي كان في واحد قاعد بكرسي قاعد يطالعني كل هل مده ...

Bo_JaSSeM
08-04-10, 05:08 PM
مو أحنا شنحجي .. **8**

يعني بإختصار .. الكويتي بالحالتين سواء قدم عدل أو لا راح ياخذ الليسن .. لكن السؤال هل لأنه كويتي يستحق ياخذ الليسن حتى لو ماكان يعرف يسوق .؟! **8**

FORZA AL ARABI
08-04-10, 05:14 PM
بو جاسم مو شرط
رفيجي يعرف يسوق عدل
بس طاح بيد واحد طلع حرته في رفيجي
وما نجح
وادعو يا جماعه حق رفيجي يوم الاحد التراي ماله
وادعولي انا بعد شهر 10 ترايي

Bo_JaSSeM
08-04-10, 05:20 PM
والله صراحه مالي خبره بالوظفين اللي أهناك .. بس صراحه أنا شفت أسلوب موظفين الفحص الفني مع الوافدين وتعاملهم .!! صراحه ماكو أسوء منه فـما أستغرب لما يتعمدون يسقطون شخص ...
-
الله كريم .. وإن شاء الله تقدم ترايك وتنجح فيه وتشتري همر .. :p أنا بخلي أعضاء المنتدى كلهم يشترون لول .. **8**

LULWA
08-04-10, 08:01 PM
بالعكس والله ماشفت الواسطه بنفسي للامانه


قبل شهرين رحت طبعاً قزروها علي الأهل - سامحهم الله - ورحت ويا السايق يعني ماكو مجال احد يضبطلي واسطه :p



الامتحان كان عادي تدش تمتحن ويطلعون درجتك لاواسطه ولا شي


بينما العملي ..

والله وبيني وبينك انا للحين مادري شلون نجحت اصلا .
دخلت غلط لان خواره حدهم هناك ماتدري السايرات من وين قاعدين ايون ماكو تنظيم انا درعمت عليهم ودخلت بالطابور


بعدين جان الحق الي جدامي .. يمشي ، امشي وراه .. يسفط ، اسفط وراه .. لوول لين اخر شي طلع جان اطلع وراه ولا الشرطي يقول انتي شتسوين :@


قلت له والله مادري جان يقول روحي الله يستر عليج
واكتشفت اني ناجحه :p




بس عموماً اهما ينجحون الكويتين ويشددون على الوافدين

Bo_JaSSeM
08-04-10, 11:21 PM
^ ^ ^
وهـذا هو الحاصل .. **8**

Ghalia
10-04-10, 02:42 PM
واسطة او بدونها ينجحون بثاني مرة اذا سقطوهم

~

انا بنت خالي من جم يوم كان ترايها فـ سقطت عشان السفطة ، فـ الشرطي قال حق خالي مرة ثانية لمه يكون اختبارها راح انجحها ،فـ خالي قاله لاتنجحها اذا مو سافطه او ما ساقت عدل عدل و خل الوضع طبيعي
، يابت 9/10 :p

بس :)

Bo_JaSSeM
10-04-10, 03:55 PM
نـتمنى إن الموظفين يكونون نفس خالج .. **8**

نعم قادسيون
10-04-10, 04:06 PM
99.9% من الي خذوا الليسن بالواسطة

اما 00.1% خذوا الليسن بمجهودهم واحنا نشكرهم على هذا المجهود وانا منهم وانا اشكرني على هذا المجهود ايضا

ماعلينا .. شايفين الحوادث الله لا يراويكم شلون صايرة .. كلما تمشي خمسة متر بالشارع تلقى على يسارك ويمينك سيارة داشة بنخلة ويسارك سيارة مقطوعة نصين صار فلم رعب .. وهذا كله من الواسطة والله راح يحاسبكم والناس هذي باعناقكم لي يوم القيامة .. وانا عندي اقتراح .. المفروض الي يبي يسوي تراي يعطونة سيارة ويدخلونة حولي .. واذا طلع من حولي واهوا سالم على طووووول عطوه الليسن ككككك

Bo_JaSSeM
10-04-10, 04:07 PM
ههههههههههه .. تصدق خوش إقتراح .. **8**

صدى الصمت
24-04-10, 10:31 AM
والله بصراحة هذيلا ملوت التراي وايد يتفلسفون ويسقطون يعني أنا لما رحت بقدم وحدة مسكينه لما شفتها صفطت عدل وما حاشت شي بس سقطونها شكو ليش مادري !

أنا ماراح أقول ضد ;p
لأني وحدة حطيت ريل على ريل وقدمولي ككاو ماكنتوش وجاي وماي ويابولي اوراقي موقعة خالصة إني ناجحة ورحت طلعت ليسني ;D

بس الحمد لله بالشارع أمشي صح وماسويت حوادث ولا شي وعلى طول أكون منتبهه وماعندي مخالفات وما أتكلم بالتلفون وأربط حزام الأمان ;p

Bo_JaSSeM
25-04-10, 05:02 PM
أي زين يسوون .. **8**

josep
25-04-10, 10:33 PM
كل من هب و دب قام يـسوق ..,

خيرهاا بغيرهاا ..,

Bo_JaSSeM
26-04-10, 02:50 PM
حـياك الله .. **8**

الحوته الخضراء
05-05-10, 06:30 PM
بصراحة كل شي بالواسطة حتى السياقة الي فيها أرواح ناس ,, شنسوي بعد!! ويقولون احنا اكثر دولة فيها حوادث مرورية خو طبقوا القوانين وكل شي يصير تمام .. نفس أوروبا ..<<<

شكراااا لصاحب الموضوع قواك الله

Bo_JaSSeM
05-05-10, 09:16 PM
الله كريم .. **8**
-
العفو ولو .. حـياج الله أختي .. **8**

ABDULAZIZ MOHAMED
06-05-10, 03:01 PM
مشكور على الموضوع..

Bo_JaSSeM
06-05-10, 07:17 PM
حـياك الله .. :)

متعصب قدساوي
08-05-10, 03:49 PM
انا بالواسطه عادي مافيها شي

Bo_JaSSeM
08-05-10, 06:01 PM
ثلاث أرباع الكويت خذوه بـالواسطه .. **8**

بنت مندني
12-05-10, 11:28 PM
لا تعاملوهم صعبــ

الموقفـ إلي صار وأنا أقدمـ أترايـ

كنا مجموعه نبي نقدمـ أترايــ لازم أنا أكون أخر وحدهـ بس الله يسلمكــ في وااحد مايدري وين الله قاطه

من جافنيـ طلعت من حارتيـ ولا يطلعـ صارخـ صرخه الشرطيــ ولا أدشـ بالرصيفـ من الخرعهـ

ولا يجوفنيـ يقوليـ ليش يبا خايفه انا عصبت على إلي وراجـ مدامـ جذي جفتي البابـ إلي يتيـ منه طلعي منهـ

لأنجـ ناجحهـ يالله بنتيــ الله وياجـ ولا تخافينـ

يعني إذا من غير وااسطه تتنقعــ بالترايــ ;)

حلاته الواسطه من أول شي تنجحـ :okiko:

jekara-maziona
13-05-10, 12:39 AM
انا طبعاً نجحت بالواسطه

انا اللي صار معاي طبعاً ما كان في احد معاي وتخيل يوم رحت درعمت على كيفي :p وقت بصفط الشرطه قاعدين يسولفون وياكلون مو معبريني عاد انا بدعت دشيت بالرصيف :) لاعاد بس صفطت الصفطه عدل :) قالي خلاص توكلي ناجحه طبعاً انا طلعت وانا مستانسه ولا بكل فخر اقول حق اهلي دشيت بالرصيف :)

بس الحمدالله معني قبل شهرين ماخذه الليسن بس الحمدالله ملتزمه ومالي شغل بأحد :p

Bo_JaSSeM
13-05-10, 04:11 PM
أهو المهم الإلتزام بالقوانين .. مو المهم ناجح أو ناجحه بواسطه و لالا .. **8**

بنت مندني
13-05-10, 07:05 PM
أييييييييييييي خل نجوفـ أشلون تاخذ الليسنـ


الحمدالله ملتزمهـ بالقوانين حرفا حرفا


:p

الرك والباجي عليكـ أبي أجوفـ شنو تسوي شنو ماتسوي

بلا نك
13-05-10, 07:08 PM
المفرووض لاواسطه وخط احمر عشان سلامة الشباب وله هالحوادث شلون

Bo_JaSSeM
13-05-10, 07:08 PM
هههههههه طبعاً بدون واسطه .. **8**

بنت مندني
14-05-10, 10:35 AM
خيرا نشالله

Bo_JaSSeM
14-05-10, 10:39 AM
إن شاء الله .. **8**

ABDULAZIZ MOHAMED
14-05-10, 10:56 AM
الله كريم..

Bo_JaSSeM
14-05-10, 11:33 AM
الله كريم .. :)

البسيطة
15-05-10, 12:03 AM
أخيييه عاد الحين وقت الواسطة بالتراي :(

مع اني ضدها ، بس تكفى شالتراي الصعب :(

السياقة بالشارع أسهل **8**

Bo_JaSSeM
15-05-10, 12:07 AM
^ ^ ^
بـالعكس الكل يقول سهل .!! **8**

البسيطة
15-05-10, 12:15 AM
:(

ان شاء الله يكون سهل حقي :p

Bo_JaSSeM
15-05-10, 10:46 AM
الـبنات هالأيام موضه .. 18 وماعندهم ليسن .. **8**

يـالله زين تخففون الزحمه والحوادث .. :p **8**