المساعد الشخصي الرقمي

مشاهدة النسخة كاملة : الاندية الصحية بالكويت ومعلومات عنها



AHMED HAYAT
09-09-09, 11:30 PM
الموضوع عباره عن تبادل المعلومات عن الانديه الصحيه المنتشره بالكويت الي دخل نادي يعطينا معلومات
(مكانه .انواع الاشتراكات والمشتركين .مرافق النادي .السعر .نصائح .جوده الاجهزه وتوفرها .خبره المدربين .التكييف .النظافه .الخدمات الخ )
ونستفيد الي يدور نادي او بغير النادي الي مشترك فيه واغلب الشباب وبعض البنات مشتركين بانديه صحيه

ولحد يسوي دعايه عيني عينك :p

اول شي

اسباب دخول الانديه من الي اشوفه
1- تخسيس
2- زياده الوزن
3 - كمال اجسام
هذا من وجهه نظري


والباجي عليكم ان شاء الله

عاش واقف
10-09-09, 01:00 AM
النادي بلاتينيوم
المكان كيفان
الاشتراكات فضي و ذهبي الفضي شهر 50 و الذهبي 70
مرافق النادي صالون spa and more و مطعم health stop و صالتين للاسكواش و في شي نسيت اسمه لتسمير البشره (التان) و كوزنو و ماكدونالدز و ستاربكس
جودة الاجهزه عالية الجوده و حديثه بعضها 2008 و الاغلبيه 2009 و قابله لتجديد حاليا و متوفره لجميع العضلات من كمال الاجسام الى التخسيس
مدربين اكفاء و كل له خبرته من مدرب كمال الاجسام الى مدرب السويدي و التخسيس و غير مدربين الدورات القتاليه اللي نسيت اذكرها و تضم الساي جتسو و الكيك بوكسنج و الججتسو و في غيرهم
و جنسايت المدربين من الفلبين و المغرب و مصر
التكييف مضبوط على حراره معينه انه ما تستبرد بعد ماتعرق
النظافه ما شفت نفسها بنادي ثاني يعني بشكل دوري و عمال النظافه موجودين بالصالات كلها
و الخدمات كلها 100%
يعني برادات الماي موجوده بكل مكان و الكلنكس بكل مكان يعني شغل اوكي
و المشتركين خوش ناس يعني عمره ماصارت مشكله او سالفه من دخولي النادي قبل 3 سنوات او حتى سمعت عن مشكله في النادي يعني المشتركين محترمين و خوش ناس
وبس و اي سؤال مستعد للاجابه شكرا

أحمد55
10-09-09, 01:38 AM
^^^

نفس النادي الي كنت مشترك فيه + نفس الشغلات الي كنت بقولها بالضبط:d

سعره غالي شوي صح بس كمستوى فيه سعره

وأهم شغلة فيه اهية النظافة ..

ومثل ما تفضل اخوي انه ما اتصير مشاكل بالنادي ولا مرة صادفت مشكلة فيه

عيبه الوحيد اهو المسافط دائما زحــمـــة يا دنيا زحمة ..

مع انه في مساحة كبيرة بس وجود ستاربكس وماكدونالز ونادي الكويت بعد ماخذه جزء كبير من المسافط

ما جربت أي نادي ثاني غير بلاتينوم كيفان :)

وقواك الله السمي

عاش واقف
10-09-09, 01:55 AM
المصافط في عند السمجد اللي قبال ماكدونالدز

أحمد55
10-09-09, 02:24 AM
^^^

عدل بس وايد حوادث بوق سيارات صارت بهالمكان :/

AHMED HAYAT
10-09-09, 02:54 AM
يعطيكم العافية اخواني

وحبيت احصل معلومات اذا ماعليكم امر عن : ( بلاتينيوم السالمية - اوكسجين الي بالعديلية - فلكس )

عاش واقف
10-09-09, 03:01 AM
و نسيت اقول بلاتينيوم فيه مسبح و سونا و جاكوزي و بخار
نعطيك معلومات عن اوكسجين العديليه
لاني هم اشتركت فيه شهر و طلعت ماعجبني الصراحه
اشتراكه 40 دينار هذا اللي اعرفه
و مرفقاته بسيطه يعني اللي شفتهم مسبح سونا جاكوزي محل عصير محل تليفونات
الاجهزه في قديمه و في جديده
النادي اجهزته وايد و عيبه الزحمه الزحمه الزحمه
جهاز بظهر جهاز ما تقدر تاخذ راحتك و غير انك تنطر دور علشان تتمرن
و المدربين مصريين و فلبن
و ما سالت احد فيهم لان الوضع ما يسمح

عاش واقف
10-09-09, 03:05 AM
حق سكان المنطقه الرابعه
النادي q fitness
المنطقه الرقعي (خلف مجمع المحاكم )
نادي بمساحه كبيره جدا جدا
يضم 3 مسابح غير الجاكوزي و السونا و مسبح مخصص للأطفال
ملعب كرة قدم ثيل صناعي
كافتيريا
أجهزه حديثه و قديمه
بس توفي الغرض المطلوب
انا عن نفسي جربت هالنادي و حلو الصراحه
و الناس هم هناك محترمين
اشتراكه 35
و النادي كبير ما شاء الله و ما شفت فيه زحمه

AHMED HAYAT
10-09-09, 05:52 AM
يعطيك العافية يا اخوي عاش واقف على المعلومات وماتقصر

حسين زكريا
10-09-09, 10:03 AM
عنـدي معلومــه عن نادي بلاتينيـوم مادري اذا صح او انا غلــطااان بس نادي بلاتينيـوم اذا اشتركـت بكيفـان ادش الي بالسـالميــه ببـلاش ومايصيـر العكــس

...

المهــم انا اتكلـم عن نادي انفنتــي بالجـابريه

الاشتـراك 25 و10 ايام مجانا:p
النـادي شـوي صغيــر ومووايـد زحمـه

واجهزتــه نظيــفه

والحيــن قامـوو يجددون النــادي

بس مشكلتــه انه مافي حـوض سبـااحه:)

ومن ناحيـة النظافه والتماريـن الي يعطيك ياهم الكبتـن >>>اوكــي

خاجكي
10-09-09, 10:54 AM
عنـدي معلومــه عن نادي بلاتينيـوم مادري اذا صح او انا غلــطااان بس نادي بلاتينيـوم اذا اشتركـت بكيفـان ادش الي بالسـالميــه ببـلاش ومايصيـر العكــس

...

المهــم انا اتكلـم عن نادي انفنتــي بالجـابريه

الاشتـراك 25 و10 ايام مجانا:p
النـادي شـوي صغيــر ومووايـد زحمـه

واجهزتــه نظيــفه

والحيــن قامـوو يجددون النــادي

بس مشكلتــه انه مافي حـوض سبـااحه:)

ومن ناحيـة النظافه والتماريـن الي يعطيك ياهم الكبتـن >>>اوكــي

انا مسجل بلاتنيوم كيفان روعه
والمعلومه صحيحه بس حق الي اشتراكهم ذهبي
في نوعين اشتراك
اشتراك ذهبي 70 دينار
اشتراك فضي 50 دينار
بالشهر

الذهبي يعطونك كبت تقدر تدش بلاتنيوم السالميه يعطونك فوط كل شهر لك مساج كل شهر تقدر تدخل واحد يتمرن معاك
الفضي عادي مافي اي ميزه وما تقدر تدش بلاتينيوم السالميه

أنا أقدر أدش السالميه بس ولا عمري دشيته اتمرن
بس مره كنت مار شارع المطاعم دشيت تكرم حمامهم وطلعت
بس شفت الفرق السما عن القاع
وسألتهم قالو اشتراك السالميه 35
ماكو شغل مسجل بكيفان أدش السالميه
لوؤوؤوؤوؤول

أنا اشتراكي ذهبي
:)

mba
10-09-09, 11:10 AM
the champion الجابريه :)
بس سعره يطيح جبال :p

mba
10-09-09, 11:11 AM
3 اشهر بـ400 دينار :p

مو وايد :D

juve boy
10-09-09, 11:14 AM
نادي (الحزام الاسود)لفنون القتال
بالسالميه صوب بيت الزكاة
بسرداب
الاشتراك 35 بالشهر
نادي روعه بس مو مال حديد و هالاشيااء
انا داشه لتقسيم الجسم و التحكم بالاعصاب
نادي فيه تكييف عدل
و نظيف
و كبتن اروع و اروع
و المشتركين خوش ناس ما سمعتهم مره يصرخون على بعض حتى لو صار شي بالتمرين
(طقه بالغلط او حاشه بمكان بالغلط)
و ادري انه ناديي داش بالعرض :p
مشكوور يالرئيس

AHMED HAYAT
10-09-09, 06:10 PM
حياكم الله اخواني

عادي يا جوفي بوي نستفييد منك وخوش معلومة يبيله لووول

fvf abood
12-09-09, 10:20 PM
شباب ماكو على نادي تشامبيون والله

ABD.Dashti
13-09-09, 02:02 AM
يعطيكم العافية اخواني

وحبيت احصل معلومات اذا ماعليكم امر عن : ( بلاتينيوم السالمية - اوكسجين الي بالعديلية - فلكس )


السلام عليكم ..

انا مشترك بـ بلاتينيوم السالمية .. صج ان النادي كبير .. 3 طوابق .. بس دايم زحمة على الاجهزة .. خصوصا أجهزة الصدر.. دايم لما ابي اتمرن عليهم في 2 او 3 واقفين ..

الطابق الاول .. اجهزة كمال الاجسام والمسبح والسونا والجاكوزي والبخار

الطابق الثاني .. السويدي وأجهزة الجري ومحل تلفونات و كشك أكل .. يبيع عصاير وبروتينات

الطابق الثالث .. بلياردو و تنس طاوله و سكواش

بس نفس ما قلت طول اليوم زحمة .. بس انا لو بروح اروح الفجر .. يكونون الناس شويه ..

والمدربين زينين ..

النادي حلو بس مشكلته بالزحمة

ويقولوون بيفتحون صاله بالسرداب فيها أجهزة


وآسف عالقصور .. واذا ناسي شي راح اقوله بعدين .. لأن صارلي جم يوم مو رايح النادي


سلااام

AHMED HAYAT
13-09-09, 03:29 AM
^^^^

مشكوور اخوي على المعلومة

وقاعد افكر اشترك فيه

a7mad_al-9rraf
14-09-09, 08:40 AM
جامبيون اللي عندنا بالجابرية

ولك احد عجائب العالم

والله العظيم احد عجائب العالم

نظافة ولا اروع

وكبيير

وفي احواض سباحة

بس مشكلته مو غالي

ههه

3 اشهر 400 دينار

شوي صح

هههههه

AHMED HAYAT
14-09-09, 02:22 PM
^^^^

انزين بالشهر جم ؟

خاجكي
26-09-09, 05:02 AM
يا جماعه بغيت أسألكم عن بلاتنيوم شرق إلي يصير قبال مستشفى الأميري
اليوم وأنا رايح البيت مريت صوبه
توني أدري انه في بلاتنيوم بشرق مع انه أنا من سكان شرق وبيتنا ورى الأميري وتوني أشوفه
فحبيت أستفسر عنه وجم أشتراكه عشان أحول من بلاتنيوم كيفان لي شرق
أقرب لي خوو أروح مشي :p
وهم كيفان قام يصير زحمه :)


وبغيت أسأل وين صاير نادي كروان بلازا
وشلون النادي في ناس يمدحونه بس ما ادري وين
اخوي يقول جنه سمع انه بالفروانيه عاد انا ولا عمري طاب الفروانيه
فياريت تفيدونه وجم الاشتراك واذا في زحمه بالنادي وصوب النادي بالشوارع ولا الدرب سهالات


وهم قالو لي نادي منتجع النخيل بس المشكله درب لي سلوى
بس اذا النادي راقي وماكو زحمه مو مشكله

فياريت ألي عنده أي معلومه يفيدنا


والسموحه على أطاله

سيد صالح
26-09-09, 12:46 PM
يا جماعه بغيت أسألكم عن بلاتنيوم شرق إلي يصير قبال مستشفى الأميري

اليوم وأنا رايح البيت مريت صوبه
توني أدري انه في بلاتنيوم بشرق مع انه أنا من سكان شرق وبيتنا ورى الأميري وتوني أشوفه
فحبيت أستفسر عنه وجم أشتراكه عشان أحول من بلاتنيوم كيفان لي شرق
أقرب لي خوو أروح مشي :p
وهم كيفان قام يصير زحمه :)


وبغيت أسأل وين صاير نادي كروان بلازا
وشلون النادي في ناس يمدحونه بس ما ادري وين
اخوي يقول جنه سمع انه بالفروانيه عاد انا ولا عمري طاب الفروانيه
فياريت تفيدونه وجم الاشتراك واذا في زحمه بالنادي وصوب النادي بالشوارع ولا الدرب سهالات


وهم قالو لي نادي منتجع النخيل بس المشكله درب لي سلوى
بس اذا النادي راقي وماكو زحمه مو مشكله


فياريت ألي عنده أي معلومه يفيدنا



والسموحه على أطاله


بفروانيه اهو

جنه اشتراكه 150 او 175

وقاعدين يبنون نادي يديد فا اكيد السعر راح يزيد

وخوش نادي قوي وممتاز

الشيطان الاخظر
28-09-09, 12:26 PM
الصراحه انا جربت اكثر من نادي لاكن ماكو على بلاتينيوم كيفان
اجهزه جديده والشباب اللي فيه محترمين بس عيبه المصافط

d.m.c
28-09-09, 02:52 PM
النادي:champion(القديم مو اليديد)
مكانه: بالجابرية بجانب مطعم شاورماتي
مرافق النادي: حمام سباحة -جاكوزي-سونا-صالة سويدي-حمام بخار(النادي سرداب مو كبير وايد)
السعر:70د.ك
النصائح:نادي موكبير وايد وماعليه زحمة وتقدر تتمرن على راحتك
الاجهزة: الاجهزة جودتها عالية والجهاز الواحد متكرر 4مرات او اكثر(ماذكر بالظبط جم جهااز)
المدربين:كلهم من الجنسية الفلبينية وعندهم الخبره الكافية (وانا عندي بصراحة احسن مدرب اسمه جيري يداوم من 7 الصبح لي 4 العصر)
التكييف :والله زين
النظاافة:والله النادي نظيف
الخدمات:في كفتريا صغيرة